Бул тууралуу “Азаттыкка” ИИМдин басма-сөз катчысы Бакыт Сейитов билдирди. Анын айтымында, бүгүн-эртең да депутаттын уурдалышына тиешеси бар деп шектелген эки-үч адам кармалышы мүмкүн. “Азыр тергөөнүн алкагында шектүү адамдардын чындыгында эле бул кылмышка тиешеси бар-жоктугун аныктап жатабыз, ошондуктан кармалган адамдын аты-жөнү азырынча ачыкталбайт”, дейт Б.Сейитов. Буга чейин маалымдалгандай, ЖК депутаты Руслан Шабатоев 30-сентябрда үйөн чыгып кеткен. Депутатты акыркы жолу “Майкл” кафесинде көрүшкөн. Ал жерден Р. Шабатоевди бирөөлөр чыкырып кетишип, ал кайра кайтып келген эмес.(MSu)
