Мобилдик топтун курамына бейөкмөт уюмдардын өкүлдөрү, дарыгерлер, укук коргоо уюмдарынын кызматкерлери жана журналисттер кошулган. Алар сакайгыс дартты жуктуруунун алдын алуу жана калк арасында агартуу иштерин такай жүргүзмөкчү. Бул туурасында Ош шаарынын вице-мэри, жумушчу топтун жетекчиси Айнура Шайымкулова бүгүн «Азаттыкка» маалымдады. Милициянын подполковниги Мамат Бектемировдун айтымында, мындан мурунку менчик жатаканаларда, мейманканаларда, сауналарда өткөрүлгөн рейддер натыйжа бербегендигин, андан көрө ички иштер органдарынын алдында адеп-ахлак полициясын ачуу зарылдыгын белгиледи. (ATo)
