Мунун натыйжасы -5-октябрда болуп өткөн шайлоолордо көрүндү, деп билдирди партиянын жетекчиси Эркин Бөлөкбаев “Азаттыкка” таңкы маектешүү учурунда. Ал шайлоо алдында партия тарабынан үгүт иштерин жүргүзүүгө өтө чоң бут тосуулар болуп, күч органдарынын кийлигишүүсү менен партия мүчөлөрү камакка алынгандыгын баса белгиледи. Эркин Бөлөкбаевдин маалымдашынча Бишкектеги борбордук аянтта милиция тарабынан тартылып алынган аппаратуралар кайтарылып бериле элек. “Жашылдар” партиясы бийликтин бардык тизгинин колуна алып алган президенттик башкаруу системасын жокко чыгаруу үчүн тынымсыз күрөш жүргүзмөкчү.(ZKo)
