Бүгүн президент Курманбек Бакиев президенттин администрациясына, Коопсуздук кеңештин аппаратына жана тартип коргоо органдарынын жетекчилерине Адахан Мадумаровдун Коопсуздук кенештин катчысы кызматына дайындалганын маалымдап, биринчи жолу бул кызматка аскерий эмес, жарандык түрдөгү киши дайындалып жатканын белгилеген. Президент өз сөзүндө “ Өлкөнүн коопсуздугун камсыздоо-мамлекеттин алдындагы эң негизги маселелердин бири. Биз Адахан Мадумаровду тажрыйбалуу жетекчи катары билебиз. Анда өкмөттө иштеген учурда, Мамлекеттик катчы кызматында, парламент төрагасы учурунда жетиштүү тажрыйба топтолгон. Ал өз өлкөсүнүн чыныгы патриоту, ошондуктан бул тармак ал үчүн жаңы болгонуна карабай, мамлекеттин жыргалчылыгы үчүн алдыга койгон милдеттерди аткара алат деп ойлоймун” деп, А.Мадумаровго жаңы кызматта ийгилик каалаган. (AiT)
