Шайлоо бюллетенинде жалпысынан жети талапкердин ысымы бар. Бирок азыркы президент Ильхам Алиев экинчи мөөнөткө оңой эле шайланары күтүлүүдө. Өлкөнүн башкы оппозициячыл партиялары болсо шайлоону бойкоттошууда. Азери оппозициясынын айтымында, өлкөдө демократия менен сөз эркиндиги басмырлангандыктан, шайлоого катышуунун маңызы жок. Азери оппозициясы ошондой эле АКШ менен Еврошаркетти стабилдүүлүк жана энергетикалык коопсуздуктун пайдасына Азербайжандан реформаларды талап кылбай калганы үчүн сынга алды. Добуш берүүгө ЕККУнун 400дөй байкоочусу көзөмөл салууда. Шайлоо бекеттери Бишкек убактысы боюнча 20:00да жабылат. Алгачкы расмий жыйынтыктар эртең менен чыгат.
