Бул тууралуу президент Курманбек Бакиев бүгүн кыргыз элине жана парламентке кайрылуусунда билдирди. Президенттин айтымында, ушул жылы мамлекеттик бюджеттин кирешеси 32,4 млдр сомду түздү. Ал эми өлкөдө саясый туруктуулуктун негизинде ишкерлердин чөйрөсү жакшырып, ишкерлерди текшерүү 70 пайызга кыскарды. Тогуз айдын жыйынтыгы боюнча Камбарта ГЭСин курууга 1 млрддан ашуун сом бөлүндү, ал эми жылдын аягына чейин дагы 200млн сом бөлүнөт. Ошондой эле мамлекет башчы жыл башынан тартып өлкөдө 1600дөн ашуун жаңы жумуш орундары түзүлгөнүн, 2006-жылдан тартып социалдык кызматкерлердин эмгек акысы 30 пайызга өсүп жатканын белгиледи.(MSu)
