Маркум менен коштошуу жыйыны Абдымомунов атындагы кыргыз драма театрында болуп, ага коомдук ишмерлер, маркумдун жакындары катышты. Президенттик администрациянын мурдагы башчысы, бир катар мамлекеттик кызматтарды аркалап келген коомдук-саясий ишмер Аманбек Карыпкулов жетимиш жаш курагында узак оорудан көз жумду. Маркумдун туугандарына, үй-бүлөөсүнө президент К.Бакиев баштаган өкмөт мүчөлөрү жана Кыргызстандын экс-президенти А.Акаев көңүл айтышты.(MSu)
