Сузак районундагы жыйынга 300дөн ашык адам катышып, облус башчысына өкүлдөрүн жиберишти. Алар ишкер Бактыяр Амиражановдун 24-сентябрдан бери дайыны чыкпаганына кабатырланып, анын кылмыш чөйрөсүнө тиешеси жоктугун, эл үчүн кыйла соопчулук ишин жасаганын белгилешти. Бактыярды издөө иштеринин начар жүргөндүгүнө нааразы болушту. Зарылчылык туулса, түрдүү акцияларды өткөрүүгө камбылдыгын ачыкка чыгарышты. Депутат Жусуп Жээнбеков кызууланган элди сабырдуулукка чакырууда. Мындай жыйындар облустун башка айылдары менен Өзгөн, Кара-Кулжа райондорунда да өттү. 17-октябрда Социал-демократиялык партиянын облустагы координатору Батырбек Абдразаков ушундай маалыматтарды билдирди. (YA)
