Нарын шаардык кеңешине депутаттыкка талапкер болгон 6 адам шаардык сотко №7-округдагы шайлоо комиссиясынын жыйынтыгын жокко чыгарып берүү боюнча доо арыз менен кайрылган. Судья Жапар Эрматов соттук териштирүү жыйынтыгында арызды канааттандырган эмес. Мындай чечимге нааразы болгон талапкерлер көзөмөл тартипте Жогорку сотко кайрылышты. Алар 5-октябрь күнү добуштарды саноо маалында Нарын шаарындагы №4078-шайлоо участкасында электр жарыгы өчүп калгандыгын жана ошол маалда 51 бюллетенди комиссия мүчөлөрү кошуп жиберишкендиктерин, ошондой эле округда негизги жана кошумча тизмеде каттоолору жок адамдар добуш беришкендиктерин белгилешип, натыйжада комисссия жыйынтыгын жокко чыгарууну соттон өтүнүшкөн. (KUs)
18:23 Нарын шаардык кеңешинин депутаттыгына талапкер болгондор Жогорку сотко арыз жолдошту
