Мындай оюн социолог Топчугүл Шайдуллаева “Азаттыкка” билдирди. Анын айтымында, кыргыз мигранттарын бөтөн жердеги артыкбаш проблемалардан коргоо үчүн, аларды Кыргызстандан кете электе эле вокзалдан так текшерүү керек. “ Вокзалдан биздин жүздөгөн жарандар жумуш издеп чет жактарга жөнөшөт.Алардын документтериндеги мүчүлүшүктөрдү кыргызстандан чыга электе эле аныктап, кайра оңдолушуна көзөмөл жүргүзүп койсо канча жеңилдик болмок. Биз ушундай жөнөкөй нерселерди көз жаздымда калтырып, өзүбүзгө өзүбүз проблема жарата беребиз”,-деп кошумчалаган Топчугүл Шайдуллаева. (AzK)
