Облустун социалдык-экономикалык абалынын 9 айдагы жыйынтыгы талкууланган жыйында ийгиликтерге караганда кемчиликтерге басым жасалды. Облакимчиликтин бөлүм башчысы Сапарбек Жапаров физикалык көлөмдүн индекси өткөн 9 айда Нарын шаарында 196 пайызды түзсө, бул көрсөткүч облуста болгону 58 пайыз болгондугун билдирди. Электр энергиясына республикалык бюджеттен 20,1 жана жергиликтүү бюджеттен 1,9 миллион сом төлөнбөй келүүдө. Ошол эле маалда өткөн жылдын 9 айына салыштырмалуу быйыл облуска 89,2 миллион кило ватт саат электр кубаты аз берилген. Салык топтоо 9 айда 101,7 пайызга аткарылган. Бирок салык түрлөрүнөн жалпысы 2 миллион 942 миң сом кем жыйналган. (KUs)
