Бул тууралуу “Акыйкат үчүн” кыймылынын координатору Аликбек Жекшенкулов “Азаттыкка” билдирди. Саясатчынын айтымында, курултайга даярдык көрүү маселеси кыймылдын жана коомдук парламенттин эртеңки отурумунда да каралат. Мындан тышкары эртеңки жыйында оппозициялык күчтөрдүн биргелешип иш алып баруу боюнча меморандуму, өлкөнү өнүктүрүүнүн жаңы Концепциясы жана жаңы Конституция боюнча талкуулар болот. Жекшенкуловдун белгилешинче, меморандумга саясый күчтөрдүн лидерлери эмки аптада кол коюшу күтүлүүдө.(MSu)
