Исламабадда эки күнгө созулган “кичи курултайда” коопсуздук маселелери көңүл чордонунда болуп, анын ичинде талиптер менен болжолдуу сүйлөшүүлөргө баруу маселеси да каралаары күтүлгөн эле. Пакистандын борбор калаасында уюшулган жыйынга Ооганстан жана Пакистандан 25тен өкүл катышууда. Жыйындын алдында Пакистандын куралдуу күчтөрүнүн жетекчилиги курамына пуштун, өзбек, чечен, тажик жана башка улуттардан чыккан жоочулар кирген талиптик топтор менен күрөшүүдө «жаңы бурулуш» жасалгандыгы тууралуу маалымдашкан эле.
