Бул тууралуу «Кабар» маалымат агенттигинин деректиринин түштүктөгү орун басары Камил Токторов “Азаттыктын” Оштогу кабарчысы Жанарбек Акаевге билдирди. Анын айтымында ур-токмокко алынган агенттиктин кабарчысы Алтынбек Жолдошев жакында Нооокаттагы хизбутчулар тууралуу макала жазган, бул иш ошого байланыштуу болушу ыктымал. А. Жолдошев “Азаттыктагы” маегинде дарыгерлердин кароосунан өткөндүгүн, оор жаракат албагандыгын айтты. Тартип коргоо органдарына азырынча кайрыла электигин билдирди. 28-октябрда Ош шаарында чак түштө “Кабар” маалымат агенттигинин аймактагы кабарчысына белгисиз бирөөлөр кол салган. (JA,EBM)
