Ош шаардык прокуратурасынан 30-октябрда “Азаттыкка” билдиришкендей, укук коргоо кыймылынын төрагасы Төлөн Дыйканбаев тааныш келинди токмоктоп, чогуу жашаганга мажбурлаган деп айыпталууда. Ош шаардык соту жабырлануучунун арызын карап чыгып, укук коргоо кыймылынын төрагасын 5 күнгө үй камагына кармоого санкция берди. Жергиликтүү серепчи Эркин Төрөгелдиев Төлөн Дыйканбаевдин камалышын башка укук коргоочуларга кыр көрсөтүү катары баалап, Кыргызстан репрессиялык жолго түшкөнүнө кабатырланды. (АТо)
