Мындай резолюция Бириккен улуттар уюмунун Генералдык ассамблеясынын 63-сессиясынын биринчи комитетинин отуруму учурунда 29-октябрда, Нью-Йорк шаарында кабыл алынган. “Борбор Азияда өзөктүк куралдан эркин аймакты түзүү жөнүндө” деп аталган резолюцияны кабыл алуу тууралуу Кыргызстан негизги ролду ойногон Борбор Азиядан барган делегация демилге көтөргөн. Кыргызстандын Тышкы иштер министрлиги бул документтин кабыл алынышын, Борбор Азия өлкөлөрүнүн эл аралык тынчтык жана коопсуздукту сактоого кошкон салымы катары баалады. (IJz)
