АКШнын жаңы шайланган президенти Барак Обама бүгүн экономика боюнча кеңешчилери менен жолугушуп, шайлоодон кийин алгачкы ирээт маалымат жыйынын өткөрөт. Обама кечээ (6-ноябрда) Австралия, Британия, Канада, Франция, Германия, Израил, Жапония, Мексика жана Түштүк Кореянын лидерлери менен телефон аркылуу сүйлөшкөнүн анын жардамчылары билдиришти. АКШнын тогуз ынтымакташы Барак Обаманы шайлоодогу жеңиши менен куттукташкан. Бейшембиде Обама жаңы администрациянын башчылыгына конгрессмен Рам Эмануэлди (Rahm Emanuel) тандаганын билдирди. АКШнын 44-президенти Барак Обама кызматына 20-январда киришет.
