Буга курултайга аймактардан келүүчү көпчүлүк делегаттардын өтүнүчү себеп болду. "Анткени 25-ноябрь шейшемби иш күнүнө туш келгендиктен иштеген адамдардын жумушуна тоскоол болушу мүмкүн. Ошондуктан элдик курултайды ишемби 29-ноябрга жылдырдык", - деп билдирди “Акыйкат үчүн” кыймылдын координатору Аликбек Жекшенкулов. Анын айтымында, доклад-документтерди даярдай турган өзүнчө топ жана уюштуруу маселелери боюнча, коопсуздук менен камсыз кыла турган, массалык маалымат каражаттары менен иштөөчү төрт топ түзүлдү. Маалыматка караганда, уюштуруу комитетинин төрагалыгына Аликбек Жекшенкулов дайындалган. (AJ)
