Каракалпакстандагы Жаштык түрмөсүндө отурган Юсуф Жуманы өткөн аптада көрүп келген кызы Феруза атасы уруп-сабоодон көп жараат алып, араң басып калганын билдирди. Жуманын аялы Гүлнора Олтиева «Азаттыкка» күйөөсү аябай арыктап кеткендигин кошумчалады. 50 жаштагы Юсуф Жума уулу экөө былтыр президент Ислам Каримовдун кайра шайланышына каршы нааразылык акциясын уюштурганы үчүн беш жылга эркинен ажыратылган. Анын дагы бир уулу 3 жылдык түрмө мөөнөтүп өтөп жатат.
