“2007-жылы Токтогул суу сактагычына 11 млрд куб суу агып кирсе, 15 млрд. суу агызылган. Эмне үчүн мындайга жол бересиңер? “Ак жол” партиясын да жаманатты кылып жатасыңар,” деп ачууланды депутат Бегалы Наргозуев. Министр Сапарбек Балкыбеков сууну көп агызуунун себеби – ички керектөө жана тышка электр энергиясын экспорттоо үчүн болгондугун билдирди. Анын айтуусунда жыл өткөн сайын электр энергиясын ички керектөө да арбып баратат. Министр келерки жылдын апрель айына чейин энергетикалык тармакты кризиске батырбай жеткирүү үчүн көпчүлүккө жакпаган жолдорго барууга аргасыздыгын айтты. (ZKo)
