Орусия президенти Дмитрий Медведев жаңы шайланган АКШ президенти Барак Обаманын жаңы өкмөтү эки тарап ортосундагы салкындап калган алакаларды жандантууга мүмкүнчүлүк берет дейт. Франциянын Канн шаарына болгон иш сапарында орус президенти жаңы шайланган АКШ президентине ийгилик каалап, Орусия АКШ менен жакшы алакаларды курууга дилгир экенин билдирди. Ошондой эле ал Обама менен телефон аркылуу баарлашканын, анын инагурациясынан кийин жолугушууну макулдашканын ачыктады.
