Бүгүн Бишкек шаарында туңгуч кино изилдөөчү, Искусство илимдеринин кандидаты Каарман Ашымовдун 70 жылдыгы белгиленди. Буга байланыштуу атайын иш-чара уюштурулуп, Каарман Ашымовдун өмүр баяны тууралуу документалдык фильм көрсөтүлдү. “Кыргызтелефильм” студиясынын алгачкы директорлорунун бири, кыргыз киносунун тарыхына байланышкан бир нече монографиялардын жана макалалардын автору, кыргыз киносунун тарыхын биринчилерден болуп жазган кино изилдөөчү 1992-жылы 54 жашында каза болгон. (IJz)
