Катчылыктан алынган маалымат боюнча Коопсуздук кеңешинин катчысы Адахан Мадумаров Москвада бейшембиге чейин болуп, бир катар жолугушууларга катышат. Жергиликтүү маалымат каражаттарынын өз булактарына таянып билдиргендерине караганда, Мадумаров Москвада Орусиянын Коопсуздук кеңешинин, ЖККУнун, Федералдык миграция кызматынын аткаруучу жетекчилери менен жолугушуп, эки тараптуу кызматташтыктын тиешелүү багыттарын талкуулашат. (BuS)