Мындай пикирин элдик жыйында Элдик революциялык кыймылдын негиздөөчүсү Азимбек Бекназаров билдирди. Ал муну элдик жыйынды колдоп берген таластыктарга ыраазычылык билдирип жатып айтты. Саясатчы ошондой эле бир үй-бүлөнүн кулу болбостун аргасы үчүн “башыбызды саюуга даярбыз” деди. Элдик жыйында Кыргызстандагы саясий-экономикалык кырдаал, президент Курманбек Бакиев башында турган азыркы бийликти алмаштыруунун жолу талкууланды. Жыйында сүйлөгөндөрдүн көпчүлүгү азыркы бийликти шайлоо жолу менен алмаштыруу үй-бүлөлүк, коррупциялык башкарууну күчөтөт деп, күч менен алмаштырууну жактады. Элдик революциялык кыймыл мындай жыйындарды эми калган облустарда да өткөрүүнү максат кылууда. (BuS)
