Маркумдун сөөгү кичи мекени – Чоң-Алайдын Ачы-Суу айылына коюлду
34 жаштагы белгилүү журналисттин артында алманчоктой аялы жесир, бир уул, бир кызы жетим калды. Ал эми маркумдун айрым санаалаштарынын, ошондой эле укук коргоочулардын пикирине караганда, Кожогелдиев гезитине жарыяланган курч макалалары менен кээ бир коррупционерлердин куйругун басып алышы да ыктымал. Канеткен күндө да Ош шаарында 16-ноябрда күтүүсүздөн каза тапкан журналисттин өлүмү азырынча табышмак бойдон калууда. Ош шаардык ички иштер башкармалыгына телефон чалганыбызда, Эркин Кожогелдиевдин өлүмү туурасында эч кандай маалымат жоктугун ырасташты. (ATo)
