Финансы тармагын турукташтыруунун чегинде өкмөт буга чейин тогуз ири коммерциялык банкка 125 миллиард доллар салган эле. 700 миллиард доллардык куткаруу планы боюнча өкмөт банктардын капиталын колдоого 250 миллиард убада кылган. Анын аралыгында, АКШдагы төртүнчү эң ири банк болгон Ситибанк дүйнө жүзү боюнча дагы 53 миң жумуш ордун кыскартып жаткандыгы маалым болду. Бүгүнгө чейин Ситибанк 20 миллиарддан ашык доллар чыгымга учурады.
