Бириккен Улуттар Уюму келээрки жылы Африка жана Жакынкы Чыгыш өлкөлөрүнө колдоо көрсөтүү үчүн уюмга мүчө мамлекеттерден 7 миллиард доллар талап кылды. Бул каражат аталган аймактардагы эң эле жакыр абалдагы тургундарына жардам берүү үчүн багытталат. Мындай ири өлчөмдөгү талап БУУнун тарыхында алгачкы жолу болууда. 500 миллион доллардан ашуун каражат Ирактагы гуманитардык долбоорлорго багытталып, дагы 500 миллиондой доллар Палестина автономиясына жумшалмакчы.
