Бул тууралуу “Акыйкат үчүн” кыймылдын координатору Аликбек Жекшенкулов бүгүн “Азаттыкка” билдирди. Анын айтымында, бийлик анын жакындарын кызматтан алып, бизнесин катуу текшерүүлөргө салууда.Учурда Жекшенкуловдун уулуна кылмыш ишин козгоо маселеси көтөрүлүүдө. Ал эми Балыкчы шаарында көптөгөн жылдан бери вице-мэр кызматын аткарып келген бир тууган иниси Таалай Медералиевди жана Октябрь райондук прокуратурасында иштеген жакын тууганын кызматтан алышты. “Буларды баары саясий куугунтук. Бийлик менин өзүмө эч нерсе таба албагандыктан, жакындарыма асылууда”,- деп белгиледи Жекшенкулов. Расмий бийлик Кыргызстанда саясий куугунтук жок экенин билдирүүдө.(AiT)
