Баткен областтык ички иштер башкармалыгынан маалымат кызматы “Азаттыкка” билдирген кабарга караганда, 20-ноябрга караган түнү Ички иштер министирлигинин фельдегердик байланыш кызматынын кызматкери күзөт учурунда өз тапанчасынан атылган октон каза болгон. Анын жаны жок денесин эртең менен жумушка келген кызматкерлер табышкан. Азырынча өзүн-өзү атып алганбы же башка бирөө кол салганбы, азыр окуянын чоо жайын аныктоо үчүн тергөө башталды. Күзөттө турган милиция кызматкери өзүн-өзү атып алган окуя Баткен районунда быйыл ушуну менен экинчи жолу болуп жатат. (JA)
