“Демократия жана жарандык коом үчүн” бейөкмөт уюмдар коалициясы жергиликтүү кеңештерге шайлоонун жыйынтыктары менен бирге депутаттардын милдеттери боюнча жер-жерлерде жолугушууларды өткөрүүдө. Коалиция жетекчиси Динара Ошурахунованын айтымында, мындай иш-чараны өткөрүү зарылдыгы депутаттардын да, шайлоочулардын да өз укук, милдеттерин жакшы билбегендигинен келип чыкты. Жолугушууларда депутаттардын функционалдык милдеттерин таанытуудан тышкары шайлоочулар козгогон көйгөйлөр боюнча чечимдерди кабыл алуунун жолдору үйрөтүлүүдө. (BD)