“Кумтөр голд компани” Жогорку Сотко Салыктар жана жыйымдар боюнча мамлекеттик комитеттин Жети-Өгүз райондук бөлүмүнүн талабы боюнча соттордун ылдыйкы баскычтарынын чечимин жокко чыгарууну сурап кайрылган.
Комитеттин райондук бөлүмүнүн 2002-2008-жылдары пайдаланылган жер үчүн салык иретинде ишканадан 94 млн.177 миң сом өндүрүп берүүнү сураган арызын сот канагаттандырган. Аны жокко чыгаруу боюнча ишкананын арызын акыркы жолу райондор аралык сот 17-ноябрда карап, канагаттандырган эмес. (BuS)
