Эл аралык коомчулук Ооганстандагы аскердик өнөктүктү бүтүрүү мөөнөтүн такташы керек. Бул тууралуу ооган президенти Хамид Карзай Бириккен Улуттар Уюмунун Коопсуздук кеңешинин делегациясы менен жолугушуу маалында билдирди. Карзайдын басма сөз кызматынын кабарлоосуна ылайык, президент кеңештин делегациясына “ооган эли өз өлкөсүндө АКШ террор менен дагы канча убакыт согушарын билиши керек” деп айткан. Курамына АКШнын Бириккен Улуттар Уюмундагы элчиси кирген делегация Ооганстанга 24-ноябрда келген.
