Жүрөк хирургиясы илим изилдөө институтунун директору, медицина илиминин доктору, белгилүү хирург Калдарбек Абдраманов жетектеген топтун Ош облустук ооруканасында 27 жаштагы Өлмөскан Акимжанованын жүрөгүнө жасаган операциясы ийгиликтүү болду. Сыркоолуу Акимжанова «Азаттыкка» айтканга караганда, акыбалы оңолуп, өзүн жеңил сезип турган чагы. Алдарбек Абдраманов Кыргызстандын тарыхында бул чоң окуя экендигин, Ошто дагы эки адамдын жүрөгүнө эки операция жасалаарын, ошондой эле жарандардын түйшүгүн жеңилдетүү максатында өзү жетектеген институттун түштүк филиалын ачуу бышып жетилгенин билдирди. (АТо)
