Журналистердин убактысынын көбү айрым учурда бийлик башчылардын кабылдамасында маалымат алыш үчүн өтөт. Жетекчилердин айрымдарын күндүз электр кубаты өчкөн мезгилде өз ордуларынан таппай каласын. Жетекчилик уруксат бермейинче маалымат бере албайбыз деп ар кайсы шылтоону айтып бир жума, же эки жума маалыматты кечиктирип берген учурлар аз эмес. Мына ушундай көйгөйлөр Талас шаарында медиа өкүл Илим Карыпбеков тарабынан маалымат алуу жана маалымат берүү маселеси боюнча өткөрүлгөн тегерек үстөлдө айтылды. Жыйынга чакырылган жетекчилер келбегени менен алардын кол астында иштеген кызмакерлер “журналистер маалыматтарды так чагылдырбаганы үчүн жогорудай көрүнүш пайда болууда” деген пикирлерин билдиришти. (UA)
