Мындай оюн Элдик курултайды ачып сүйлөгөн “Акыйкат үчүн” кыймылынын лидерлеринин бири Аликбек Жекшенкулов билдирди. Ал өлкөдөгү азыркы саясий-экономикалык абал күндөн-күнгө оорлоп, эл жакырланып бийликке нааразы болгондордун саны өскөнүн белгиледи. Былтыркы шайлоодон кийин элде акыйкат коом куруу тууралуу ишеним жоголгонун кошумчалады. Ушундан улам бийликке нааразы топтор бир багытта аракеттенип Кыргызстандын жаңы саясатын түптөө зарылдыгын айтты. Бишкектеги Элдик курултай “Эл байлыгы адилет, таянычы калыстык, келечеги акыйкат” деген ураан алдында өтүүдө. (EBM)
