Элдик Курултайда “Адилет” укуктук клиникасынын жетекчиси “Акыйкат үчүн” кыймылдын мүчөсү Чолпон Жакупова бийликтин энергетикалык саясатын айыптады. Кыргызстанда жарыктын байма-бай өчүрүлүшүнөн операция маалында адамдар набыт болгонун, ооруканаларда айына жетпей төрөлгөн айрым наристелер чарчап калганын билдирди. Ушул жаатта иликтөө жүрбөй жатканына тынчсызданды. Эл аралык уюмдарды Кыргызстандагы криминалдык-авторитардык режимди колдоону токтотууга чакырды. (EBM)