Бүгүн өтүп жаткан бул иш-чара 1-декабрь - бүткүл дүйнөлүк СПИДке каршы күрөшүү күнүнө арналган. Акциянын жүрүшүндө Бишкектин көчөлөрүндө жана ири соода түйүндөрүнүн жанында бул илдетке каршы күрөштү символдоштурган тасма түрүндөгү беш белги коюлат. Киши боюна барабар өлчөмдөгү бул символикалуу белгилер СПИД көйгөйүнө тийиштүү көңүл бурулбаса кесепети өтө өкүнүчтүү болооруна коомчулуктун назарын бурууга багытталган. Аталган акция “Сорос” корунун “Укук жана саламаттыкты сактоо” долбоорнун алкагында өтүүдө. (ES)
