Жарлыкка ылайык, Коомдук палата президенттин, бийлик органдарынын эл менен байланышын чыңдоо, өлкөнүн ички жана тышкы саясатын жүргүзүүдө калктын ой-мүдөөсүн эске алуу жана мамлекеттик бийлик органдарынын үстүнөн коомдук көзөмөл орнотуу максатында түзүлөт. 20-январга чейин Коомдук палатага талапкерлерди көрсөтүү, коомчулуктун ой-сунуштарын чогултуу жүргүзүлүп, талапкерлердин тизмеси президентке бекитүүгө берилиши керек. Коомдук палатага талапкерлерди саясий партиялар, коомдук, ишкер, чыгармачыл, кесиптик жана жаштар уюмдары көрсөтө алышат. (KCh)
