Жогорку Кеңештин этика жана регламент комитети КМШнын парламенттер аралык ассамблеясынын демократияны өнүктүрүүгө байкоо салуу боюнча эл аралык институтунун Бишкектеги бөлүмүнүн иш-аракетин текшерүүнү Эсептөө палатасына тапшырды. Андан тышкары институтка көзөмөлдүк кылууну бир комитетке тапшыра турган болду. Буга бөлүм директору Нургүл Керимбекова орун басарлыгына өз уулун кызматка алгандыгы жана парламентке ишке келбегендиги себеп болду. Жогорку Кеңештин бюджетинен маяна алган институттун кызматкерлеринин мындай мамилеси парламенттин аброюн түшүрөт деген депутаттар КМШнын парламенттер аралык ассамблеясына да маалымат жөнөтүү керек деген чечимге келишти. (BD)
