Жогорку Кеңештин төрагасы Айтибай Тагаев менен депутат Рашид Тагаев “Мамлекеттик символдор жөнүндөгү” мыйзамга толуктоолорду киргизүүгө демилге көтөрүп, аны парламенттен колдоп берүүнү өтүнүп жатышат. Эгер аталган мыйзамга толуктоолор киргизилип калса, анда ар бир жаран гимн расмий ырдалган учурда туруп гана турбастан, колун жүрөк тушуна коюп ырдоого милдеттүү болот. Парламентарийлердин айтымында, мыйзамга мындай толуктоо киргизүү өлкө жарандарынын Мекен үчүн болгон патриоттуулук сезимин жогорулатуу максатын көздөйт. (AzK)
