Кыргызстандын Казакстандагы элчиси Жаныш Рустанбеков 2-декабрда Астана шаарында “Нур Отан” партиясынын катчысы Е.Карин жана партиянын борбордук аппаратынын жетекчисинин орун басары М.Ерман менен жолугушкан. Жолугушууда Казакстан өкүлдөрү 11-12-декабрда Алма-Атадагы Республика Сарайында Чыңгыз Айтматовдун 80 жылдыгына карата иш чаралар өткөрүлөрүн кабарлаган. Тараптар андан сырткары Кыргызстан менен Казакстан ортосунда кызматташууларды өнүктүрүү маселелерин талкуулашкан. Бул тууралуу Тышкы иштер министрлигинин маалымат кызматынан кабарлашты.(AiT)