Ош облус губернаторунун орун басары Гүлайым Машрапова «Азаттыкка» билдиргенине караганда, материалдык-техникалык базасынын жоктугуна, кадрлардын жетишсиздигине, мамлекеттик каттоодон мыйзамдуу түрдө өтпөгөндүгүнө байланыштуу жети райондогу 16 медресенин 13 жабылды. Ош мамлекеттик университетинин проректору, диний серепчи Авазбек Асанов мынчалык шашылыштын кажети жок эле деген пикирде. Бирок билим чабыты кенен кесипкөйлөр медреселерде чындап тартыш экендигин жашырбайт. (ATo)
