Бүгүн Бишкектеги Максим Горькийдин эстелигинин жанында УТРКнын 20 чакты кызматкери нааразылык акциясын улантышты. Алар Улуттук каналдын жетекчиси Мелис Эшимкановдун кызматтан кетүүсүн талап кылышууда. Аларга Элдик революциялык кыймылдын лидерлеринин бири Топчубек Тургуналиев жана башка коомдук уюмдардын өкүлдөрү келишип, 10-декабрга чейин Эшимканов кызматтан алынбаса нааразылык акциясын колдоп, кошо чыгышаарын билдиришти. Бул тууралуу "Азаттыкка" нааразылык чарада тургандардын бири Бейшенбек Бекешов билдирди. УТРКнын жетекчиси Мелис Эшимканов болсо реформага каршы топтун нааразылык акциясы негизсиз деп эсептээрин буга чейин билдирген. (AJ)
