Бүгүн жалпы мусулмандардын ыйык күнү болгон курман айттын алдыңкы күнү, кыргызча ай башы же арапа. Бул күнү Меккеге ажыга баргандар Арафат тоосуна барышып, тоо этегинде намазга жыгылышат. Арафат тоосу Адам ата менен Обо эне бейиштен куулгандан кийин жолуккан жер делип, ыйык жер катары эсептелинет. Кыргызстандыктар бул күнү курман айтка даярдыктарды көрүшүп, курмандык даярдашат. Ал эми эртең курман айт күнү эртең мененки саат 9:00да айт намаз окулуп, андан соң мусулмандар курмандыктарды союшат. Бишкек шаарында айт намаз эски аянтта окулмакчы. (IJz)
