Москвада калк орус православ чиркөөсүнүн башчысы Алексий Экинчи менен коштошууда. Алексий Экинчи 5-декабрда 79 жаш курагында көз жумду. Анын сөөгү шейшембиде жерге берилмей болду. Бул күнү өлкө боюнча теле-радиодо көңүл ачуучу берүүлөр көрсөтүлбөйт. Азыр Москвадагы Ыйса Куткаруучунун чиркөөсүндө Москва жана жалпы Орус патриархы менен коштошууга миңдеген адамдар кезекте турушат.