Элдик революциялык кыймыл “Реформаны Бакиевсиз өткөрүү” демилгесин көтөрүүдө. Балким ушул маселенин негизинде чогулушубуз мүмкүн, деп билдирди “Ак шумкар” партиясынын лидери Темир Сариев “Азаттыктын” таңкы маегинде. Анын айтымында, кеңейтилген чөйрөдөгү сүйлөшүү эртең да улантылат. “Эгерде ошол сүйлөшүүлөр жыйынтыктуу болсо жаңы революциялык кыймыл жаралышы мүмкүн. Негизинен бийликке каршы күчтөр биригүүнү зарыл деп айтып жатышат”,- дейт Сариев.
