Өлкө келечеги боюнча дилбаян сынагын жеңгендер аныкталат

Эртең Бишкекте К. Баялинов атындагы китепканда “2015-жылы Кыргызстанды кандай элестетем” деген темада жаштар жазган дилбаяндар сынагынын жеңүүчүлөрү аталып, акчалай сыйлыктар берилет. Азия өнүктүрүү банкынан кабарлашкандай, сынакты Кыргызстандагы эл аралык донорлор коомчулугу уюштурган. Иш-чаранын максаты өлкө келечеги тууралуу жаштардын ой-пикирин аныктоо, мамлекеттеги көйгөйлөрдү белгилеп, алардын чечилишине Кыргызстан жаштарын тартуу болгон. (EBM)