Бул тууралуу билдирген парламенттеги “Ак жол” фракциясынын депутаты Бегалы Наргозуевдин айтымында, талкууда иликтөө комиссиясынын жыйынтыгы, авиация
тармагындагы проблемалар козголот. Жогорку Кеңештин Өнөр жай, транспорт, комитетинин талкуусуна транспорт жана байланыш министри Нурлан Сулайманов өзү келип маалымат берүүгө убада берген. Быйыл 24-августта Итек-Эйр авикомпаниясынын Тегеран-Бишкек каттамындагы “Боинг-737” учагы Манас аба майданынан көтөрүлгөндөн көп өтпөй Жаңы-Жер айылынын жанына кулап түшкөн эле. Бул кырсык жалпысынан 66 адамдын өмүрүн алган.
