Бул тууралуу “Азаттыкка” “Улуу биримдик” партиясынын төрагасы Эмил Каптагаев билдирди. Анын айтымында, буга чейин меморандумга кол коюшкан Бириккен оппозициялык күчтөр менен “Жаңы Кыргызстан” партиясы жана Элдик революциялык комитеттин биригүүсү боюнча сүйлөшүүлөр жүргүзүлөт. Оппозициялык күчтөрдүн биригүүсү тууралуу маселе 29-ноябрдагы Элдик курултайда дагы козголгон болчу. Өткөн ишембидеги сүйлөшүүдө тараптар жаңы кыймыл түзүү мүмкүндүгүн белгилешкен эле.
