Бүгүн Арменияда Жамааттык Коопсуздук Келишим уюмуна кирген мамлекеттердин коопсуздук кеңешинин катчыларынын Ереван жолугушуусу башталды. Эки күндүк бул иш чарада катчылар терроризмге, экстремизмге, маңзат соодасына, мыйзамсыз миграцияга каршы күрөштүн акыркы жагдайларын талкуулашат. Президенттин басма сөз кызматынын маалыматына караганда бул жыйынга катышуу үчүн Кыргызстандын Коопсуздук кеңешинин катчысы Адахан Мадумаров да кетти. ЖККУнун курамында Кыргызстандан тышкары Армения, Беларусь, Казакстан, Орусия, Өзбекстан жана Тажикстан бар. (BuS)
